Koncepti ynë për jetesën e shëndetshme ndryshoi shumë kohët e fundit. Ky ndryshim u shkaktua nga situata e tanishme botërore, por u theksua me shumë teksa ne kaluam shumë kohë në shtëpi. Shtëpitë tona u kthyen në mini palestra, ne ju përkushtuam më shumë ushqimit të shëndetshëm dhe stërvitjes së rregullt, në mënyrë që të harxhojmë kohën e lirë në mënyrë produktive dhe të qëndrojmë në formë.
Ju do të bini dakord që nuk ishte aq keq. Njerëzit gjetën shumë mënyra inovative për t’u stërvitur në këto rrethanat e reja dhe të vazhdojnë të stërviten edhe tani kur gjërat janë kthyer ngadalë në normalitet. Nuk ka dyshim që stërvitjet në shtëpi ose oborr do vazhdojnë të jenë një nga trendet më të mëdha këtë verë, por sigurisht jo i vetmi. Kjo është guida jonë për trendet e reja të fitnesit me të cilët do të bëni stërvitje me kënaqësi, qeshni rregullisht dhe ajo që është e rëndësishmja, të qëndroni të shëndetshëm dhe në rregull me veten tuaj.
Të shkurtra, por stërvitje më intensive janë trendi më i ri në botën e fitnesit
Nëse menduat që stërvitja juaj HIIT nuk mund të bëhet më intensive, ne duhet t’ju themi që jeni gabim, sepse 2020 solli trendin e ri të fitnesit — micro-HIIT.
Duke qenë se shumë nga ju kanë pasur një ditë të zënë para karantinës dhe nuk mund të gjenin dot kohë për një interval të gjatë stërvitjeje rregullisht (20 minuta, 3 herë në javë), situata e re tregoi që edhe micro-hit sjell rezultate edhe më të mira. Kjo do të thotë që ju mund të merrni çdo minutë të lirë për t’u stërvitur – edhe nëse është pushimi i drekës, koha e kafes etj.
Micro- HIIT mund të zgjasë 2-3 minuta, jo më shumë se 7, dhe mund të arrihen rezultate shumë të mira sepse këto lloj stërvitjeje përfaqësojnë “stresin e shëndetshëm” për trupin tone, gjë e cila përshpejton proçesin e tij të rigjenerimit.
Stërvitjet dinamike në shtëpi janë “domosdoshmëria” e re këtë verë
Keni bërë ndonjëherë stërvitje dinamike në palestër, me shumë njerëz që i japin biçikletës si të cmendur? Vajzat me siguri po kujtojnë “Ditarin e Bridget Jones”? Po, kjo është stërvitja për të cilën po flasim!
Këtë verë, në vend se t’i japim biçikletës në palestër, do ta bëjmë në shtëpi, në apartament, ballkon ose oborr, dhe trajnuesi është prezent nëpërmjet sesioneve live në celularin tuaj, tablet, ose laptop – ai që ështe më praktik për ju. Disa biçikleta në shtëpi kanë ekrane me programe për stërvitje dinamike që ju mund t’i ndiqni.
Nëse dhënia e biçikletës nuk është gjëja juaj, zgjidhni lloje të ndryshme të ushtrimeve dinamike. Mund të përfshijë yoga dhe sesione meditimi, por gjithashtu 10 minuta ushtrime fuqie që do ju zgjojnë” trupin tuaj. Zgjidhni stërvitje që i përshtaten asaj që ju pëlqeni dhe shijoni çdo minutë që harxhoni duke u stërvitur.
Pemët si një “mjet” stërvitjeje
Këtë verë pemët mund të bëhen lehtësisht mjeti juaj i ri i preferuar për t’u stërvitur, dhe ne të gjithë e dime sa e shëndetshme dhe efektive stërvitja në ambjente të jashtme është. Atëhere, pse të mos përdorim mjete “jashtë” për stërvitjet tona në ambjente të hapura? Por, sigurisht, jini të kujdesshëm mos t’i dëmtoni ato.
Përdorni llastiqë për stërvitje, sepse ato do ju mundësojnë të stërviteni pa u dëmtuar, dhe ju mund të përdorni edhe stol prej druri në park, për ulje-ngritje, plank, ushtrime për krahët, etj.
Ushtrimet nga personazhë të famshëm janë absolutisht trendi i kësaj vere
Shumë njerëz të njohur filluan kanalet e tyre të YouTube në të cilët ato shpërndajnë me ndjekësit e tyre rutinën e tyre të fitness-it. Bashkë me to janë edhe shumë instruktorë fitnesi, por gjithashtu yje nga Hollywood dhe supermodelë. Nuk ka rëndësi kë ndiqni, ju nuk keni gabuar!
Për disa nga këto ushtrimet juve do ju nevojiten paisje dhe mjete shtesë, për disa jo, dhe këshilla jonë është të kombinoni ushtrimet për grupe të ndryshme muskujsh, pavarësisht cili nga njerëzit e famshëm po i rekomandon ato.
“Smart” boxing
Një nga trendet më të reja në botën e fitnesit është e ashtëquajtura “smart” boxing. Është një paisje që ndjek cdo lëvizje që ju bëni gjatë një stërvitjeje “boxing”. Ju mund ta vendosni në kycin e dorës ose këmbës dhe të ndiqni përmirësimin tuaj me kalimin e kohës. Në këtë menyrë, ju do ta dini gjithmonë sa po progresoni, dhe çdo stërvitje do jetë më e këndshme. Një tjetër avantazh i këtij aplikacioni është fakti që ju mund të krahasoni rezultatet tuaja me një përdorues tjetër.
Kërceni, kërceni, kërceni
Jo të gjithë mund të kërcejnë sikur askush nuk po shikon, por është një nga trendet më të mëdha të fitnesit për verën 2020. Edhe pse mund t’ju duket e lehtë në fillim, kërcimi është një disiplinë sportive mjaft kërkuese që duhet të bëhet patjetër pjesë e rutinës tuaj. Zgjidhni muzikën tuaj të preferuar, clironi veten tuaj dhe lëvizni trupin, sepse nuk ka mënyrë më të mire për të formuar muskujt tuaj, të qeshurën dhe humorin e mire.
Këshilla jonë është të zgjidhni veshje tërheqëse sportive për cdo projekt kërcimi, sepse do t’ju bëjnë të ndiheni shumë mire, dhe të theksojnë figurën tuaj. Bëni një playlist dhe filloni të lëvizni!
Ne shpresojmë që me këtë artikull, të ju kemi bindur ju të provoni fatin tuaj në një nga disiplinat e reja të fitnesit dhe të ju kemi inspiruar ju për të pasur një verë të bukur. Ju e dini tashmë ku mund të gjeni të gjitha paisjet e fitnesit që do ju ndjekin në çdo lëvizje – në dyqanet tona dhe online.
Ekipi Sport Vision
