Këtë vit "Të jesh i shëndetshëm është gjëja më e rëndësishme" është fjalia që po dëgjojmë dhe përsërisim më shumë se zakonisht. Për të pasur sukses në këtë, është e nevojshme që (të mësojmë) të kujdesemi për veten, atë që, për fat të keq shpesh, e neglizhojmë dhe e lëmë mënjanë - kjo vjen prej punës, përgjegjësive të përditshme, stresit...
Ankthi është një dukuri gjithnjë e më e zakonshme në epokën moderne. Me çdo ditë të re, bëhet më e dukshme midis njerëzve që, për shkak të situatës aktuale, nuk dinë ta luftojnë atë. Me ankthin vijnë disa probleme të tjera, të tilla si pagjumësia, dhimbja në stomak, sulmet e panikut, ndjenja mbytëse ... Kjo është arsyeja pse është koha për një ndryshim! Tani është koha të bëjmë diçka të mirë për veten tonë dhe të mësojmë të jemi e të ndihemi edhe më të shëndetshëm çdo ditë. Pavarësisht nëse janë ushtrime stretching ato që zgjedhim për të filluar ditën ose rutina e re çdo mëngjes - ky blog është këtu për t'ju ndihmuar të keni sukses!
Bëni një pushim nga mediat sociale që të mund të jetoni më shëndetshëm
Mediat sociale janë gjithnjë e më shumë shkaktarë të zakonshëm të ankthit. Imazhet e jetës dhe trupit të përsosur, si dhe përdorimi i celularëve shumë herë gjatë ditës, ndikojnë ndjeshëm në shëndetin mendor, por edhe atë fizik.
Koha dhe orët e lira të shpenzuar në telefon duke lëvizur ekranin, në vend që të bëjmë diçka më të mirë për veten tonë. Kjo është arsyeja pse hapi juaj i parë drejt një jete më të shëndetshme duhet të jetë – largimi nga mediat sociale dhe telefonat. Bëjani më të lehtë vetes dhe vendosini detyrë, që të gjeni mënyra shumë më të shëndetshme për të shijuar kohën tuaj të lirë.
Vendosni qëllime (të reja) të fitnesit për një jetë më të shëndetshme
Ne besojmë se tashmë i keni vendosur qëllimet tuaja të fitnesit, por që ndërkohë ndaluat t'i përmbaheni atyre. Ka ardhur koha të kthehemi në atë listë të përparësive tuaja dhe të gjejmë mënyra të reja për të përmirësuar marrëdhënien që keni me veten dhe trupin tuaj. Përqendrohuni në të qenit më i fortë në vend të më I hollë dhe do të vini re shumë efekte pozitive që ka ky qëndrim në vetëbesimin dhe motivimin tuaj për t’u stërvitur.
Filloni të gatuani vaktet tuaja për të jetuar më të shëndetshëm
Ushqimi është çelësi për një jetese të shëndetshme! Ju mund të bëni gjithçka, por nëse ushqeheni në mënyrë jo të shëndetshme, si ushtrimet ashtu edhe aktiviteti i rregullt nuk do të kenë dobi. Këshilla jonë? Filloni të përgatitni vaktet tuaja, sepse do të dini saktësisht se çfarë dhe sa keni ngrënë. Ushqimi juaj do të jetë më i shijshëm dhe trupi juaj më mirënjohës sepse keni zgjedhur një mundësi më të shëndetshme.
Flisni me veten dhe largoni mendimet negative
Kohët e fundit, ne kemi qenë "duke luftuar" me kaq shumë lajme dhe informacione të këqija dhe negative saqë nuk dimë më se si arrijmë t'i rezistojmë atyre. Pra, është koha e duhur për të filluar të flisni me veten tuaj! Jo, nuk do të jesh i çmendur, do të jesh më i lirë.
Një tjetër këshillë - filloni të mbani një ditar, por në fillim të ditës. Para se të filloni fitoret e reja të punës, shkruani gjithçka që ju shqetëson dhe hiqni qafe energjitë negative. Shikoni se si do të ndiheni më mire, madje menjëherë.
Meditoni që të ndiheni më mirë dhe të jeni më të shëndetshëm
Yoga dhe meditim është një nga mënyrat më të mira për të larguar tensionin dhe stresin e përditshëm. Filloni ta praktikoni, sepse do t'ju ndihmojë të çliroheni nga stresi i jetës së përditshme.
Gjeni aktivitete që vërtet i shijoni
Ushtrimi ose ndonjë aktivitet tjetër fizik nuk duhet parë si përpjekje fizike, por si kënaqësi. Pra, gjeni aktivitetet që vërtet ju pëlqejnë. Këto mund të jenë, për shembull, hiking, çiklizëm, vrapim, ashtu siç e përmendëm më sipër yoga ose ndonjë stërvitje tjetër që lidhet me forcën dhe ekuilibrin.
Bëni një gjumë të mirë
Gjumi është një faktor kryesor për të gjitha aspektet e jetës tuaj, por më shumë për mirëqenien tuaj psikofizike. Pra, mos e nënvlerësoni gjumin dhe jepini vetes shtatë orë gjumë cilësor çdo natë. Nuk do të jetë e lehtë në fillim, por me kalimin e kohës kjo 
Bëni shumë shëtitje
Ecja është një nga aktivitetet më të mira që mund të bëni! Ecni sa më shumë që të mundeni, sa herë që keni pak kohë të lirë ose kur duhet të pushoni. Gjithçka që ju nevojitet janë atlete të rehatshme dhe përfitimet do të vijnë vet.
Shëndeti juaj duhet të jetë gjithmonë i pari! Nëse e harroni atë, thjesht ndaloni për një kohë dhe vendosni përsëri përparësitë tuaja. Kjo është mënyra për të shpëtuar veten.
Skuadra Sport Vision
