Më parë, ju prezantuam 6 arsyet pse ne e dashurojmë vrapin, por jemi dakord se ka edhe një grup tjetër njerëzish që nuk e pëlqejnë vrapimin.
Në qoftë se ju i përkisni këtij grupi, dhe jeni duke kërkuar për një nxitje verore – ne ju sugjerojmë 5 aktivitete të cilat janë ekstremisht efektive dhe interesante, dhe mbi të gjitha për jo garuesit – nuk përfshihet vrapimi.
Biçikleta - trajnimi kardio që do ta shijoni
Në qoftë se vrapi nuk i përshtatet nyjeve tuaja ose ju lodh shumë - biçikleta mund të jetë një alternativë e përkryer. Përveç faktit që çiklizmi është një lloj shumë efektiv i trajnimit kardio, ai është gjithashtu shumë praktik dhe nuk kërkon përgatitje të veçantë.
Zëvendësojeni makinën tuaj me biçikletën këtë fundjavë dhe njihuni me mjedisin që ju rrethon nga një këndvështrim i ri.
Patinat – aktivitet efektiv dhe argëtim i garantuar
Ardhja e verës është veçanërisht e këndshme për dashamirësit e patinave. Për dekada me radhë, patinat ka qenë një nga format më të preferuara të aktiviteteve për mosha të ndryshme - dhe përveç se është argëtues, ka një efekt jashtëzakonisht pozitiv në forcimin e muskujve të këmbëve dhe vitheve. Edhe nëse jeni në një moshë më të rritur - dhe nuk e keni zotëruar këtë aftësi - mos lejoni që kjo t'ju dekurajojë. Hiqni frikën, zgjidhni patinat e duhura për veten tuaj dhe shijoni aktivitetin tuaj të ri të preferuar.
Alpinizmi – relakson mendjen dhe trupin
Ngjisni shtigjet kodrinore dhe zbuloni fuqinë shëruese të natyrës. Kërkimet kanë treguar se qëndrimi për të paktën 30 minuta në natyrë redukton nivelin e kortizolit, një hormon stresi, për më shumë se 21%.
Zgjidhni lartësitë që doni të pushtoni këtë verë, shijoni përfitimet e malit dhe mos harroni të merrni me vete pajisjet cilësore për alpinizëm.
Volejboll – në rërë ose palestër
Mblidhni ekipin, merrni topin dhe drejtohuni në fushën më të afërt. Shijoni volejbollin në plazh ose në palestër ndërsa lëvizni trupin tuaj dhe zgjoni shpirtin e ekipit. Nëse organizoni një ndeshje pranë ujit, gjithçka që ju nevojitet janë rrobat banjës, një top, dëshirë për lojë miqësore dhe argëtim pafund.
NOTI – NJË AKTIVITET I PASHMANGSHËM GJATË GJITHË VERËS
Shpëtimin nga nxehtësia e verës shumë prej nesh e shikojnë në plazhin më të afërt. Është e panevojshme të thuhet, ka shumë efekte pozitive të notit të cilat lidhen me forcimin e një grupi të madh muskujsh, stërvitjeje dhe durimi. Përveç kësaj, frymëmarrja e thellë gjatë notit na largon nga ankthi, redukton nivelin e stresit dhe ndikon në mënyrë efektive në relaksim.
Nëse vendosni të notoni në pishinë ose në det, në website-in tonë ju mund të gjeni një shumëllojshmëri produktesh plazhi për të gjitha moshat.
Sigurisht, kujdesuni për ushqimin e duhur gjatë verës, marrjen e mjaftueshme të lëngjeve, por edhe për periudhën gjatë aktiviteteve. Ne rekomandojmë që të shmangni oraret e drekës dhe ekspozimin e drejtpërdrejtë në diell gjatë temperaturave të larta.
Ekipi Sport Vision
