Pushime aktive - termi i preferuar për shumicën e njerëzve që merren me sport në çfarëdolloj mënyre dhe nuk mund të imagjinojnë t'i kalojnë pushimet larg palestrës. Nëse stërvitja është pjesë e rutinës suaj, besojmë se këtë verë nuk do të humbisni mundësinë për të përfituar nga të gjitha benefitet e të qenit jashtë, në mënyrë që të ruani formën tuaj trupore në nivelin që dëshironi. Sot, palestrat janë një pjesë integrale e shumë hoteleve, dhe pajisjet e stërvitjes shpesh mund të gjenden në parqe dhe zona të tjera publike. Nëse jeni një nga ata që preferojnë të ushtrohen vetë, në plazh ose gjatë kampingut në mal, mos u shqetësoni - prodhuesit e aksesorëve sportiv bënë përpjekje për t'ju ofruar mundësi të panumërta të ndryshme për të ushtruar vetë. Pra, le të shohim se çfarë duhet të paketoni dhe të merrni me vete këtë verë nëse dëshironi që pushimet tuaja të jenë vërtet aktive.
Askujt nuk i pëlqejnë shumë gjëra në valixhen e tyre, prandaj mendoni dy herë para se të përfundoni paketimin - a ju duhen të gjitha gjërat. Përqendrohuni vetëm në ato më të rëndësishmet dhe praktiket. Kjo vlen edhe për paketimin e aksesorëve sportiv - respektoni rregullin: më pak është më shumë.
Stretching në mëngjes ose meditimi nën zhurmën e valëve tingëllon si një aktivitet i mrekullueshëm për të nisur ditën. Pra, mos harroni tapetin tuaj të preferuar të yoga-s - ai do të shërbejë si një sipërfaqe e rehatshme ushtrimesh dhe gjithashtu mund të jetë pjesë e nevojshme e aksesorëve tuaj të plazhit. Girat prej 1-2 kg dhe pesha për këmbët, të mbushura me rërë janë një domosdoshmëri në listën e kujtdo që preferon stërvitjen me pesha. Sot, në treg mund t'i gjeni këto rekuizita të dizajnuara posaçërisht për udhëtime, të cilat mund t'i mbushni vetë, zakonisht me ujë ose rërë, menjëherë përpara se të bëni ushtrime dhe t'i vendosni siç duhet pasi të ketë mbaruar ushtrimi. Diçka si një komerdare ose top palestre, që është alternativa më e mirë kur nuk keni shumë hapësirë në valixhen tuaj. Shiritat elastike të rezistencës janë diçka që mund ta paketoni lehtësisht kudo dhe duhet patjetër të jenë në listën tuaj - nëse i keni përdorur, atëherë e dini se sa më efikase dhe sfiduese është të kryhet çdo lëvizje. Kompleti i shiritave të ushtrimeve TRX është një tjetër opsion i shkëlqyeshëm – thjesht gjeni një pemë të qëndrueshme për t'i instaluar dhe mbështetuni në peshën tuaj si ngarkesë ndërsa shtriheni ose stërviteni.
Nëse dëshironi një stërvitje pak më dinamike që përfshin kardio, atëherë rekuizitat e dizajnuara për aktivitete të ndryshme sportive në natyrë janë zgjidhja më e mirë për ju. Kërcimi me litar nuk është vetëm diçka që mbani mend nga fëmijëria juaj. Është një mbështetje shumë e dobishme për stërvitje, shpesh e lënë pas dore dhe e nënvlerësuar, por padyshim një nga mënyrat më të mira për të patur një stërvitje kardio cilësore. Frisbee, badminton ose ndonjë top që do t'ju bëjë të vraponi nëpër plazh disa herë pa e kuptuar, janë një mënyrë e shkëlqyeshme për të kompletuar stërvitjen tuaj dhe për t'u argëtuar me miqtë gjatë ditës. Duke qenë se të shkosh në breg të detit është një nga opsionet më të zakonshme kur flasim për pushimet, pse të mos shfrytëzojmë benefitet e qëndrimit atje. Notoni, notoni dhe thjesht notoni! Rezistenca e ujit të kripur të detit aktivizon të gjitha grupet e muskujve në trup, prandaj noti mund të klasifikohet si një nga aktivitetet e nevojshme gjatë gjithë vitit. Nëse jeni në gjendje, shfrytëzoni sa më shumë pishinat e brendshme dhe të jashtme të qytetit. Muskujt tuaj do të jenë mirënjohës. Noti është terapia më e mirë kundër stresit, relakson trupin dhe ka një efekt të dobishëm në inflamacionin e muskujve, ndaj ju rekomandojmë që të kaloni sa më shumë kohë në ujë. Rekuizitat që do ta bëjnë notin edhe më efektiv janë syzet e zhytjes dhe një kapele noti. Mos i harroni kur bëni valixhet për në breg të detit.
Sigurohuni që të paketoni një T-shirt të rehatshme dhe streçet tuaja të preferuara, si dhe një bluzë me zinxhir që do t'ju vijë në ndihmë gjatë seancave stërvitore herët në mëngjes dhe ndryshimeve të papritura të motit. Atletet për vrapim ose hiking janë ndoshta alternativa më e mirë për të udhëtuar, pasi ato janë mjaft të rehatshme dhe më të qëndrueshme për terrene të panjohura. Vrapimi në natyrë, nën tingujt e dallgëve dhe erën e detit është një eksperiencë që nuk duhet ta humbisni. Duhet të përmendim pjesën tjetër të veshjeve - çantën e palestrës, e cila mund të shërbejë edhe si bagazh apo çantë plazhi, sepse është mjaft e gjerë për të mbajtur gjithçka që ju nevojitet për një ditë aktive. Mos harroni të karikoni kufjet dhe të vendosni orën inteligjente të preferuar, në mënyrë që të jeni të organizuar në çdo kohë. Dhe së fundi, asnjë aktivitet sportiv nuk është i plotë pa një shishe uji. Për hidratim optimal, zgjidhni një shishe praktike dhe të dizajnuar bukur që mund ta mbani gjithmonë me lehtësi. Preferohet të jetë prej plastike që nuk përmban BPA, sepse temperaturat e larta mund të ndikojnë në çlirimin e këtyre grimcave në ujë.
Nëse sapo keni shtuar disa nga artikujt e lartpërmendur në çantën tuaj të udhëtimit, gjithçka që duhet të bëni është të relaksoheni dhe të shijoni pushimet tuaja aktive. Vera ka filluar, sezoni i notit dhe pushimet po shkon mirë - përfitoni sa më shumë!
Ekipi Sport Vision
