Dita e mirë duket që në mëngjes është një thënie që merr shumë kuptim. Pavarësisht nëse jeni një zog mëngjesi apo jo, gjërat e para që bëni menjëherë pas zgjoheni kanë një ndikim të madh në pjesën tjetër të ditës tuaj. Në tekstin e mëposhtëm do të listoj disa nga gabimet që shumica prej nesh i bëjnë me vetëdije apo pa vetëdije, si dhe disa këshilla shumë të dobishme për ta dërguar rutinën e mëngjesit në një nivel më të lartë, e për rrjedhojë edhe pjesën tjetër të ditës.
Gabimi më i zakonshëm është marrja e telefonit sapo hapim sytë. Truri ynë nuk mund ta përpunojë këtë rrjedhë informacioni, veçanërisht në rrjetet sociale menjëherë pas zgjimit. Pa dashje, ne hyjmë në një gjendje paniku dhe konfuzioni dhe gjatë gjithë ditës përpiqemi pa sukses të fokusojmë mendimet tona dhe të përmirësojmë vëmendjen tonë, pa e ditur pse.
Një gabim tjetër është përsëritja e alarmit çdo 5-10 minuta. Nëse pas zgjimit të parë na zë gjumi sërish, kur të bjerë sërish alarmi, do të zgjohemi edhe më të lodhur se herën e parë. Arsyeja për këtë është se në ato 10 minuta filluam një fazë të re të gjumit që zgjat disa orë, dhe me shumë mundësi kemi hyrë në një gjumë të thellë nga i cili është e vështirë të zgjohesh. Lodhja dhe nivelet e ulëta të energjisë do të na shoqërojnë gjatë gjithë ditës.
Sado e vështirë të jetë, provoni t'i ndryshoni këto dy zakone të këqija për disa ditë dhe do ta vini re ndryshimin; monitoroni nivelet tuaja të energjisë, përgjumjen dhe disponimin tuaj. Përveç kësaj, duke eleminuar "shtyrjen" e alarmit dhe duke bërë ‘scroll’ nëpër rrjetet sociale menjëherë pas zgjimit, sigurisht që kemi marrë 30 minuta kohë shtesë dhe ja se si mund t'i përdorni ato:
- Leximi i disa faqeve të një libri
- Shkrimi i planeve dhe ideve
- Përgatitja e një mëngjesi të shëndetshëm në shtëpi
- Hidratim (të paktën 2 gota ujë para daljes nga shtëpia)
- Ushtrime lëvizjeje për lëvizshmëri më të mirë gjatë gjithë ditës.
Këto janë vetëm disa nga idetë për të çuar rutinën tuaj të mëngjesit në një nivel tjetër, dhe ju patjetër mund të jeni krijues dhe të shtoni diçka tjetër. Në videon më poshtë, do të ndaj me ju ushtrimet e mia të preferuara që me siguri do t'ju bëjnë të ndiheni mirë dhe do të lehtësojnë ndjenjën e ngurtësimit ose dhimbjes së shpinës pas zgjimit.
Anica Radosavljević @anicateretanica
