Çdo lloj aktiviteti fizik sjell trupin dhe shpirtin tonë në ekuilibër të përsosur. Ushtrimi i rregullt kontribuon në zvogëlimin e depozitave të yndyrës, humbjen e peshës, rregullon presionin e gjakut dhe nivelet e sheqerit në gjak, forcon sistemin tonë imunitar. Ushtrimet ulin stresin dhe përshpejtojnë lirimin e hormoneve të lumturisë, endorfinës dhe serotoninës. Ka shumë përfitime, por gjithashtu nevojiten disiplina, vullneti, koha, qëndrueshmëria dhe vazhdimësia…
Atletet për stërvitje janë gati, por si të zgjidhni një ushtrim kardio efektiv që nuk kërkon shumë kohë dhe para?
STËRVITUNI KUDO DHE ME NJË INVESTIM MINIMAL FINANCIAR
Për shkak të stilit të jetës plot ngarkesë dhe mungesë të kohës së lirë, ne jemi gjithmonë në kërkim të zgjidhjeve më të thjeshta dhe më të përballueshme. Dy përgjigje që logjikisht të vijnë në mendje janë vrapi ose kërcimi me litar. Investimet janë minimale, dhe rezultati i arritur pas vetëm një muaji stërvitje është efikas dhe i kënaqshëm.
Nëse vrapimi është zgjedhja juaj, keni nevojë për një palë atlete dhe pista cilësore, ndërsa kërcimi kërkon një pajisje poltësuese siç është litari i kërcimit. Gjëja më e mirë është se për të dyja llojet e stërvitjes, ju e zgjidhni vetë vendin dhe orarin tuaj të stërvitjes në ditët me ngarkesë.
Si vrapimi ashtu edhe kërcimi me litar janë ushtrime kardio, por pyetja është se cili ushtrim është më efektiv në humbjen e kilogramëve të tepërt dhe djegien e yndyrës? Përgjigja mund t'ju habisë!
VRAPI APO KËRCIMI NË LITAR – CILI ËSHTË MË EFIKAS?
Kur bëhet fjalë për vrapimin me intensitet të moderuar ekspertët janë unanim. Forcon zemrën, gjithë sistemin kardiovaskular dhe mushkëritë, rrit qëndrueshmërinë dhe ju bën të ndiheni më energjikë gjatë ditës. Nëse dëshironi të ndryshoni trupin tuaj dhe të humbni peshë, përfshini stërvitjen me forcë të paktën një herë në javë për të ndihmuar në ndër timin e masës muskulore. Pse? Sepse trajnimi i forcës ndihmon në ndërtimin, forcimin dhe formimin e muskujve.
Nëse është e rëndësishme për ju të humbni peshë, kaloritë e marra duhet të jenë më pak se numri i kalorive që digjni gjatë stërvitjes (deficit kalori). Ju duhet të digjni rreth 3500 kalori për të humbur 500 g yndyrë. Kjo do të thotë që nëse doni të humbni 1 kg në javë, që konsiderohet humbje peshe e shëndetshme, duhet të eliminoni 500 kalori në ditë duke reduktuar marrjen e ushqimit, përveç humbjes së atyre që do të digjni gjatë stërvitjes.
E njëjta gjë vlen edhe për llojin e dytë të kardios, që është kërcimi në litar. Ndryshe nga vrapimi, ushtrimet me litar bëjnë pjesë në kategorinë e stërvitjeve me intensitet të lartë - HIIT, sepse ushtrimet kryhen me intensitet të plotë në intervale më të shkurtra kohore, dhe janë më efikase në djegien e dhjamit.
HIIT përfshin më shumë përsëritje të së njëjtës lëvizje që synon një grup muskujsh. Ushtrimet kryhen në intervale nga 30 deri në 60 sekonda, pas së cilës kalojmë në ushtrimin e dytë, ku pushimi ndërmjet tyre është shumë i shkurtër (deri në 10 sekonda). Në këtë mënyrë trupi nuk qetësohet plotësisht dhe pulsi nuk kthehet në gjendje pushimi. Për shkak të ritmit të shpejtë dhe intensitetit të fortë, yndyrnat digjen më shpejt dhe masa muskulore rritet.
Për ta përmbledhur, të vraposh do të thotë të ushtrohesh me një ritëm, i cili rritet në mënyrë graduale dhe gjithashtu rrit rrahje e zemrës në një periudhë më të gjatë kohore, ndërsa kërcimi me litar kërkon një ritëm më të shpejtë, gjë që ju lejon të digjni kalori në një periudhë më të shkurtër kohore.
TË DYJA, SI VRAPI DHE KËRCIMI ME LITAR JANË TË SIGURTA DHE EFIKASE
Vrapimi është i disponueshëm për të gjithë dhe ndihmon në përshpejtimin e metabolizmit. Por nëse jeni fillestar, duhet të filloni gradualisht. Ju do ta arrini këtë fillimisht duke vrapuar lehtë në pista të shkurtra dhe më pas do të rrisni distancën dhe ritmin.
Të stërvitesh në mënyrë graduale është një parandalim i sigurt i dëmtimeve të ligamenteve dhe kyçeve, ndërkohë që në të njëjtën kohë mësoni zemrën dhe muskujt tuaj me nevojat e reja. Rekomandohet që të vraponi për një orë me një ritëm të ngadaltë, tre deri në katër herë në javë. Nëse keni nevojë për motivim shtesë, ndërroni rregullisht pistat, në mënyrë që vrapimi juaj të mos bëhet monoton.
Si vrapimi ashtu edhe kërcimi me litar mund të jenë pjesë e stërvitjes së fitnesit dhe nxehmjes. Kërcimi me litar përmirëson koordinimin e lëvizjeve, ruajtjen e ekuilibrit, forcimin e këmbëve… Aktivizon muskujt e krahëve dhe shpatullave, forcon ligamentet dhe gluteusin. Kërkon një pajisje të vogël, e cila nuk merr hapësirë, ofron shumë mundësi dhe shumëllojshmëri ushtrimesh - kërcime të dyfishta me kërcime përpara dhe prapa, vrapim në vend, kërcim me një këmbë, etj.
Lëreni imagjinatën tuaj të lirë dhe vendosini vetes sfida të reja çdo ditë. Sfida është edhe më e madhe nëse praktikoni në çifte! Litar është një pajisje e shkëlqyeshëm që paketohet lehtë në një çantë sportive dhe mund të hidheni në çdo kohë dhe kudo. Çdo ditë, pa justifikime!
USHTRIMET DHE ZAKONET E NJË MËNYRE JETESE TË SHËNDETSHME
Aktiviteti i dobët fizik nuk ekziston nëse kryhet siç duhet dhe në mënyrë të sigurt. Eksperimentoni. Ndryshoni ushtrimet. E rëndësishme është të zgjidhni atë që i përshtatet nevojave dhe preferencave tuaja dhe të jeni konsistent në vendimin tuaj. Përqendrohuni në një mënyrë jetese të shëndetshme për t'u ndjerë më mirë dhe më të lumtur.
Krijimi i zakoneve të shëndetshme nënkupton një rutinë të përditshme ushtrimesh që përfshin qëndrueshmëri. Stëvitja mund të jetë shumë argëtuese me pak kreativitet. Përfshiheni në ciklin e krijimit të jetesës së shëndetshme dhe do të shihni se nuk është aq e vështirë sa duket ndonjëherë. Bëjeni stërvitjen tuaj dinamike, argëtuese. Mbajeni të shkurtër, por efektive. Mos u dorëzoni. Shëndeti i mirë është i domosdoshëm për të gjithë ne!
Ju gjithashtu mund të sillni energji dhe shumëllojshmëri në stërvitjen tuaj me pajisje të shkëlqyera stërvitjeje ose vrapimi, të cilat do t'i gjeni në dyqanet tona ose do t'i porosisni online. Ju mund të ushtroheni në të në çdo kohë dhe kudo.
Ekipi Sport Vision
